طفل شاهد موته والملائكه تحاسبه

السلام عليكم ورحمة الله وبركاته ده اول موضوع لاختكم اخر حلاوه وان شاء الله يعجب


قمت من النوم فجأة
في عيني نور غريب وقوي جدا
إستغربت النور ده كله جاي منين
وإندهشت لما لقيت الساعه بتشاور على 3 صباحا
وإن مصباح الغرفة مطفي
طيب النور ده كله جاي منين؟
وانفزعت لما لقيت نص إيدي جوة الحيطه
شدِيتها بسرعه..
خرجت وأنا ببص لها بكل اندهاش
تانى لقيتها دخلت جوه الحيطه
إستغربت
ايه اللى بيحصلي ده؟
وسمعت صوت ضحك
بصيت ناحيته
لقيت اخويا نايم جنبي
المهم اتفزعت من اللى بيحصل
وقمت من على السرير
وجريت على غرفة امي وابي
قعدت اصحى فى امي واطبطب عليها
وأنادي عليها بس هى مش بتستجيب
قعدت انديها كتير واطبطب كتير
ولقيتها فجأه قامت
كانت مخضوضه قوي
وبتبص يمين وشمال
قلت لها /يا ماما انت مش شايفانى؟
لقيتها مش بترد ولا بتبص لي
قعدت انادى
ماما
ماما
كانت حاطة ايدها على قلبها
وبتقول بسم الله الرحمن الرحيم
لقيتها بتطبطب على بابا وبتصحيه
ولما قام
قالت له :قوم نطمن على الاولاد
قال لها ده وقته؟
قالت له: معلش قلبي مش مطمئن
في حاجه غريبه
وانا واقف مستغرب
قعدت اقولها يا ماما
انا اهو يا ماما
انت مش شايفانى؟
ياماما
قامت ومشيت
حاولت امسك هدومها عشان تحس بيا
لكن الهدوم مش بتتمسك
جريت وقفت قدمها
عدت من جوايا
ما لقيتش غير إنى امشي وراها
وبابا كان ورايا
ماحاولتش أبص له عشان ما يتجاهلني برده
ودخلت امى الحجره
وفتحت النور
ماكان عندى فرق لأن الدنيا كانت منورة اصلا
انفزعت لما لقيتنى نايم على السرير
وقعدت ابص لجسمى وايدى وانا مستغرب
انا ازاي بقيت اتنين
انا مين
ومين اللى نايم على السرير ده ان مكنش انا؟؟

وقطع استغرابي جملة بابا "استريحتى يا ستى اهم نايمين اهو "
لكن هي قالت له :معلش انا عاوزه أطمئن على محمد
ولقيتها بتقرب مني
قصدى من الشخص اللى نايم مكانى
وبتطبطب عليه
كانت بتقول له :يا محمد
لكن هو مش بيرد
وكانت بتطبطب بشويش
وبدأت تهزه جامد
جريت عليها
وقلت لها :يا ماما
أنا اهو
ردي عليا
لكن صوتها كان بيزيد خوف
وكان بيعلى
كانت بتنادي
محمد
محمد
وفجأة صرخت ولقيت الصرخة بتوجعنى قوي
كأنها بتضربنى
بكيت
وقلت لها: ما تصرخي
وهى بتقول محمد
وبابا جري عليا
وحط ايده على وشى
وصرخ وبكى
وحسيت بالوجع تانى
محمد مش بيرد
والبكاء بيزيد وانا مش عارف اعمل ايه
صحي اخويا على الصوت وهو بيسال :في ايه
ماما صرخت
اخوك مات يا احمد
مات
وانا بقول لها ببكائي :لأ والله
ياماما
انا أهو
شوفيني شوفينى
انت مش سامعاني
لكن ما فيش امل
بصيت للسما وقلت :
يارب.. ايه اللى بيحصل ده
لكن ما لقيت سقف
وحسيت بطعنه غريبه
وحاجات بتقطعنى
بصيت لأحمد
لقيته بيصرخ
قلت له :اسكت
انت بتعذبني
لكنه كان بيزيد فى الصراخ
وماما بتبكي
و بابا
والنحيب بيزيد
وقفت قدامهم عاجز
ومذهول
رفعت راسي تانى
وقلت :يارب
ايه اللى بيحصل يارب
فى ايه
وسمعت صوت من كل حته
كان جي من بعيد
ركزت معاه
لقيته بيعلو
وبيزيد
كأنه قرآن
أيوا قرآن
والصوت بدأ يقوى
يقوى قوي
هزنى من شدته
كان بيقول
لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ
وفى ذهول الصوت
لقيت ايدين بتطبق عليا
اتنين شكلهم مش من البشر
بيقولوا لى: تعالى
قلت لهم :انتم مين
وعاوزين منى ايه
شدّونى
صرخت: سيبونى
ما تاخدوني من اهلى
اهلى مفكريننى ميت
قالوا لى: ما انت ميت فعلا
قلت لهم: ازاي؟
ما انا شايف اهو وبتكلم
وحاسس بكل حاجه
ابتسموا وقالوا:
عجيب امركم يا بشر
كلكم فاكرين ان الموت نهايه الحياة
وما تعرفوش ان حياتكم موت
وحلم طويل هتصحوا منه على اليوم ده
على العالم ده
سألتهم: انا فين ؟
وانتم واخديننى على فين؟
قالوا: احنا حراسك لحد القبر
اتفزعت
قبر ايه؟؟
انتوا هتدخلونى القبر؟؟

ردوا: كل انسان لازم يدخل القبر
بس انا عمرى ما دخلت القبر
ده مكتوب على كل البشر
طول عمرى كنت بكره الكلمه دي
مابحب اسمعها
بستعيذ بالله منها
بحاول انساها
مكنتش بقدر اتخيل نفسي فى المكان الصعب ده
سألتهم بخوفي
هتسيبونى؟؟
قالوا لي :مع عملك
طيب وعملى ده كويس؟؟
سكتوا
ولقيت واحد بيصرخ وبيبكي
وواحد تانى سعيد قوي
وكل واحد فيهم واقف معاه اتنين برضه
زى اللى معايا
سألتهم :ده بيبكى ليه
قالوا: ده عارف مصيره
طول عمرة كان من اهل الضلال
يعنى رايح النار
واللي بيضحك ده رايح الجنه

طيب انا؟؟
رايح على فين؟؟يح على فين؟؟
قولوا لي؟؟
ردوا عليا
هما كانو عارفين هما ايه فى الدنيا
ودلوقتى عارفين هما فين فى الاخره
وانت عشت طول عمرك ..تايه..متردد
شويه تمشي صح ..وشويه تمشي غلط
شويه تتوب ..وترجع تعصي تاني
ما كنت واضح
هتفضل بردة النهاردة تايه
مش عارف حاجه
اتفزعت وقلت
ايه
يعنى ايه
انا رايح النار
قالولى رحمة ربنا واسعه
ولسة الرحلة طويلة
بصيت وريا لقيت عمي
وابويا واخويا ماشيين
وراهم امي واهلي
بيبكوا
شايلين صندوق
جريت عليهم
ناديت
محدش بيرد
ناديت على امى
قلت لها يا امى: ما تبكي..ادعي لى
ناديت على بابا
قلت: يا بابا
خلى بالك من امى واخويا
ناديت على احمد
قلت له: يا احمد
خلى بالك من نفسك
سيبك من الدنيا ومتاعها
دي رخيصة قوي
صدقنى مش هتنفعك
ناديتهم كلهم
بس كانوا مشغولين بالبكاء
ومحدش سامعنى
ماكنت بتمنى حاجه فى اللحظة دي
الا انهم يسمعونى
وشدنى الملكين
ونزلونى القبر
ونيمونى فوق الجسد
عشان اشوف ابويا
وهو بيرمى التراب عليا بنفسه
علشان اشوفهم وهما بيودعونى
وخوفى عليهم
لانهم مش حاسين باللى انا حاسسه
وحسدى ليهم انهم لسة فى الدنيا
بس للأسف
كنت ببكى
وهما بيبكوا
كنت خايف عليهم من الدنيا قوى
واتمنى لو اصرخ ولو يسمعونى
وخرجوا كلهم
وقفلوا الباب
والنور تحول سواد

تمت

اعمل للدنيا بقدر بقائك فيها
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة
ولا تسأل الا من لا يحتاج الى أحد

والله الموفق

السلام عليكم ورحمة الله وبركاته

: بسم الحب مادم الحب من القلب
: بسم القلب مادم القلب مملوء بالأيمان
: بسم الأيمان مادام الايمان من الرحمن
: بس الرحمن مادام الحمن موجود بيننا
: اليكي أكتب هذه الكلمات لتكون لكي ذكري على مر الزمن
: وأحب أن اذكر ان الدنيا شيئان عكسيان
هما الضحك والبكاء فلا يدوم الضحك ولا يدوم البكاء
: فالذكري ناقوس يدوق فى عالم النسيان

ســـبحــ،ــــان الله ربنا يرحمــــه امين يارب العالميــ،ـــن

يارب تاخد موعظــــــــــــــــــه ياللى فى بالى
هههههههههههههههههههههه