الحـــــــب عـــــن طـــــــــريــــق الانتـــرنـــت «( منـــاقشـــة مفتــــوحـــــة )»

انا خطرت فى بالى موضوع وهو خيالي شويه
وقولت لازم اشارك معاكم الفكرة دى علشان اعرف رأيكم فيها
وهى الحب عن طريق الانترنت
وأنا هقولكم قصة ممكن تكون بتحصل وممكن تكون مش بتحصل وهى انه مرة كان فى شاب قاعد عادى زى أى شاب أو بنت ودخل على الشات عرف واحدة عن طريق الشات أتعرف عليها وأتكلمو كتير اوى على الشات خد ايميلها وكان بيكلمها دايمآ على الايميل بعدين خد الرقم وكلمها بدأ كل يوم يكلمها على الموبايل صبح وليل لغاية متعود ان لازم تكون الانسانة دى فى حياته حبها وهى عاشت معاه القصة دى وقالتله وانا كمان بحبك قاعدو كتير اوى على القصة دى وكل يوم يكلمها على الايميل والموبايل وشافو بعض كتير وخرجو مع بعض لدرجة انهم اتفق معاها انه هيتجوزها لما يخلص دراسته وكان بيكلمها بجد وهى وافقت وقالتلو وانا كمان مستنياك بدأ يحس بالسعادة انه عرفها وقال هى دى الانسانة اللى هرتبط بيها.
وفى يوم فضل قاعد على الايميل يكلمها وهى مش بترد عليه ويكلمها على الموبايل برده مش بترد خالص قاعد على الحال ده بتاع يومين.
وفى اليوم التالت بيكلمها ردت عليه قالها وحشتينى انتى مش بتردى عليا ليه قالتلو انت مين لو سمحت متتصلش بيا تانى وأمسح الرقم من عندك وهو طبعا سامع الكلام ده ومستغرب ومتكلمش قفلت معاه وكلمها بعديها بشوية ردت عليه برده وهى مضايقة اوى قالتلو انا مش قلتلك متتصلش بيا تانى.
قالها هو فى ايه , أيه اللى حصل هو انا زعلتك فى حاجة قالتلو لا بس انا مش عايزة أكلمك انا حرة.
قالها طيب والحب اللى كان بينا قالتلو انت فاكر انى هحبك وضحكت فى الموبايل وكملت بعد كده الكلام انت فاكر انى هرتبط بيك انت قالها طيب ليه خلتينى احبك قالتلو وانا مالى هو انا ضربتك على ايدك علشان تحبنى.
روح صاحبنا ده قاعد فى البيت طبعا كان مصدوم من اللى حصل مستغرب هى ليه عملت كده وفضل قاعد فى البيت مش راضى ينزل ولا يخرج لغاية مفاق من الاوهام اللى كان فيها.

هى القصة دى من خيالى بس ممكن تبقى حقيقة

وانا بقى عايز اسئلكم وياريت تشاركونى بالاجابة على الاسئلة دى

هل أنت ( أنتى ) ممكن تحب واحدة ( واحد ) عن طريق الشات ؟

ولو الموقف ده كنت انت ( أنتى ) اللى فيه يبقى رد فعلك عامل ازاى ؟


وشكرآ ليكم للمشاركة فى الموضوع




يا جماعه فى ناس كتير فهمتنى غلط
بس انا بحكى قصه عشتها مع احد الاشخاص
ولكن اريد ان اعرف منك ما هو رأيكم فى هذا الموضوع بالذات